Xitay rehbiri, Uyghur élining ottura asiya munasiwitide muhim rol oynaydighanliqini tekitlidi

Xitayning mu'awin bash ministiri zéng pey'en 18‏ we 22‏- öktebir künliri shinjang Uyghur aptonom rayoni'ida tekshürüsh ziyaritide bolghan. U bu sepiri jeryanida ürümchi, qarimay, éli, qash we xoten sheherlirini ziyaret qilghan.

Xitay metbu'atning xewer qilishiche, zéng bu ziyariti jeryanida 2004‏- yilidin béri dawamlishiwatqan jéng-éli qorghas tömür yolidiki qurulush üstide tekshürüsh élip barghan. 296 Kilométir uzunluqtiki bu tömür yoli, xitayning ottura asiya döletlirige tutashturidighan chong tömür yoli qurulushining muhim bir qisimi hésablinidiken.

Zéng piyyen Uyghur élini ziyariti jeryanida bergen bayanatida, Uyghur élidiki tash yol, tömür yoli we ayrodrumlarni kéngeytip tereqqiy qildurushning ehmiyitini tekitlep": Uyghur élini xitayning bashqa rayonlirigha tutashturidighan yollarni kéngeytish we tereqqi qildurush hökümetning muhim nishanliridin béri" dep körsetken.

Zéng piyyen maytagh néfit ayrish merkizide élip barghan tekshürüshi jeryanida bergen bayanatida": shinjangning mol néfit, tebiy gaz, aptap we shamal énérgiyisi menbelirini tereqqiy qildurup, ulardin iqtsadiy kirim süpitide paydilinish ishni tézlitish kérek" dégen.

Gerche Uyghur éli mol yer üsti we yer asti baylilqlargha ige bolsimu, lékin bu rayonning yerlik xelqi bolghan Uyghurlar iqtsadiy jehettin yenila éghir ehwalda yashimaqta. Xelq'ara kishilik hoquq teshkilatlirining bildürüshiche, Uyghurlar xitayning iqtisadiy tereqqiyatidin paydilinalmighanliqidin we özlirining tebiy bayliqliridinmu nésiplinelmeywatqanliqidin shikayet qilmaqta. (Qanat)