Xitay bash ministiri wén jyabawning rosiyediki ziyariti axirlashti


2004-09-26
Share

Xitay bash ministiri wén jyabawning iqtisadi hemkarliqni asasi téma qilghan rosiyediki üch künlik ziyariti axirlashti. Biraq ikki terep iqtisadi sahediki bezi nigizlik mesililerde ilgirlesh hasil qilalmighan.

Xewerlerge qarighanda moskwa béyjing wekillirining xitaygha néfit éksport qilidighan rosiye shirketlirige rosiye hökümiti kapalet bérish toghrisidiki telipini ret qilghan. Néfit mesilisi, xitay bash ministiri wén jyabawning rosiyege qilghan bu qétimqi ziyaritinng eng muhim küntertipini igilleytti. Rosiye bash ministiri fredkof, kapalet bérish mesilisi néfit shirketlirining ishi, rosiye hökümitining ishi emes dep tekitligen.

Rosiyening xususilar igidarchiliqidiki yukos shirkiti xitaygha néfit éksport qilidighan birdin bir rosiye néfit shirkiti hisaplinidu . Mezkur shérket yéqinda bezi awarchiliqlargha uchrighan. An'gariskiy - daching néfit turubisi pilani wén jyabawning bu qétimqi rosiye sepiride hel bolmidi.Rosiye bu mesilide hichqandaq wede bermigen. Biraq bu mesile üstide dawamliq muzakire élip bérishqa qoshulghan. Rosiyening dunya soda teshkilatigha kirish mesiliside drammatik yüz berdi. Moskwa bilen béyjing bu mesilide kélishim hasil qilghan. Rosiye metbu'atliri, béyjing da'ilirining rosiyeni dunya soda teshkilatigha qobul qilish yolidiki bezi shertliridin axirqi küni waz kechkenligini xewer qildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet