Uyghur élide sétiliwatqan 5 xil unda rak peyda qilidighan madda bayqalghan


2006-07-19
Share

Yéqinda pütün Uyghur éli boyiche her xil yimeklikler üstidin élip bérilghan bir tekshürüshte, Uyghur élidiki bazarlarda sétiliwatqan 5 xil unda rak peyda qilidighan madda bayqalghan.

Uyghur aptonom rayonluq soda -sana'et nazariti teripidin bu yil 1‏-aydin 6‏- ayghiche bolghan mezgilde élip bérilghan bu tekshürüsh Uyghur élining sherqiy we jenubiy rayonliridiki her qaysi dukanlar we talla bazarliridiki un, yagh, gösh,kök-tat aq haraq, piwe, sütlük boyumlar we balilar yimeklikliridin bolup 857 xil yimeklik üstidin élip bérilghan. Netijide buning arisida 129 xili layaqetsiz chiqqan.

Oxshimighan 5 xil markidiki unda rak késili keltürüp chiqiridighan madda bayqalghan bolup, bu xil madda unni aqartish rolini oynaydiken. Buningdin bashqa yene, qumul, turpan we aqsu qatarliq jaylarda parche qachilan'ghan su maylarning layaqetsizlik derijisi 65% ke yetken.

Xitay xewer agéntliqining xewer qilishiche, ölchemge toshmighan bu su maylarning terkiwidiki bezi maddilar salametlikke ziyanliq bolup, uni uzun mezgil istimal qilghanda, nérwini bixudlashturup hetta palech qilish éhtimalliqimu bar iken.

Shu seweptin soda-sana'et orunliri bundaq yimekliklerni ishlepchiqarghan zawutlarni tégishlik jazagha tartidighanliqini körsitip, istimalchilarni yimeklik sétiwalghanda chong bazarlardin waqti ötüp ketmigen nersilerni sétiwélishqa, shundaqla renggi heddidin ziyade aq bolghan unlarni sétiwélishtin saqlinishqa chaqirdi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet