Saxta " sherqiy türkistan unsuri " qolgha chüshti

Yéqinda " sherqiy türkistan azadliq teshkilati" ning ezasi namida melum idarige tehdit téléfoni urup, özining banka hésab nomurigha 2 milyon 80 ming yüen pul qoyushni telep qilghan 3 neper xitay, chingdaw jama'et xewpsizlik idarisi teripidin qolgha élin'ghan.
Muxbirimiz eqide xewiri
2008-06-19
Share

 Xitayda chiqidighan qanun toridin ashkarilinishiche, özini sherqiy türkistan pa'aliyetchisi qiyapitide körsitip, pul ündürüshke urun'ghan sün yungjing isimlik bir qimarwaz ikki shériki bilen bille, partlitish tehditi sélish arqiliq meqsidige yetmekchi bolghan. Ular xitay saqchilirining razwétka qilishi netijiside 14 ‏ - iyun küni qolgha chüshken.

Xitay hökümet da'irilirining Uyghur térrorchilar heqqide köp teshwiq élip bérishi netijiside mezkür weqening meydan'gha kelgenlikini perez qilghan Uyghur siyasiy pa'aliyetchiliri, buningdin kéyin bundaq hadisilerning köp sadir bolidighanliqini tekitlep, xitayning ilgiri sherqiy türkistan teshkilati ezalirining ayrupilan partlitish weqesini oydurup chiqarghanliqini, bu weqege da'ir pakitlarning yalghuz chet'ellerdiki Uyghur teshkilatliriningla emes, belki xelq'aradiki siyasiyon we mutexessislerningmu ret qilishigha uchrighanliqini otturigha qoydi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet