Jenubiy "shinjang" xelq'ara sayahet bayrimi qeshqerde bashlandi
2005.05.20
Jenubiy "shinjang" xelq'ara sayahet bayrimi 18 - may küni Uyghurlarning tarixiy medeniyet shehiri qeshqerde bashlandi. Bu bayramning bashlinish murasimi, qeshqer wilayitining her qaysi nahiye, sheherliridin kelgen milliy sen'et ömekliri orunlighan naxsha-usullar bilen élip bérildi.
Tengritagh xewer torining melumatigha qarighanda, mezkur sayahet bayrimi 5 - aydin 12 - ayghiche 6 ay dawam qilidighan bolup, bu mezgilde ilgiri-axir bolup 20 ge yéqin pa'aliyet bérilidiken.
Téxi buning aldida bu yerde "qeshqer, ottura asiya we jenubiy asiya soda yermenkisi" ötküzülgen idi. Bu yermenkide jem'iy 1 milyard 9 yüz milyon yu'en qimmitidiki 63 türlük soda kélishimi imzalan'ghan.
Xewerlerde yene, qeshqerning yoshurun küchi we tebi'iy bayliqi mol bolush artuqchiliqlirining kishini özige jelb qilidighanliqi yéziliwatqan bolup, buninggha bashqiche qarashta boliwatqan küzetküchiler, bu yerdiki her qaysi menpe'etlerdin yenila xitaylarning paydilinidighanliqini, shundaqla xitay hökümitining bu pa'aliyetler arqiliq téximu köp xitaylarni bu rayon'gha qizziqturushni meqset qilghan bolishi mumkinlikini otturigha qoydi. (Peride)