Хитай, уйғур аптоном районида муз тағ саяһитини чәклиди


2006-10-09
Share

Мунасивәтлик даириләр уйғур аптоном райониниң тәңри теғидики муз чоққилириға саяһәт қилишни чәклиди. Шинхуа ахбарат агентлиқиниң әскәртишичә,йеқинқи йиллардин бери уйғур аптоном районида тағ саяһити йолға қоюлғандин кейин, тәңри теғидики муз чоққилар саяһәтчиләрниң бузғунчилиқиға учриған.

Шинхуа ахбарат агентлиқи, хитай саяһәтчилирини тәңри теғиниң муз чоққилириға әхләт ташлаш, муһитини булғаш вә муз қатлимиға бузғунчилиқ қилиш билән әйиблиди.

Хитай мәтбуатлири тәңри теғидики муз қатлиминиң үрүмчи вә униң әтрапидики 3.2 Милйон инсанни ичимлик сү билән тәминләйдиғанлиқини билдүрди вә муз қатлими йилиға 8 метир тезлик билән еримәктә, дәп көрсәтти. Шинхуа ахбарат агентлиқиниң әскәртишичә, райондики саяһәт ширкәтлири йилиға 2000 дәк саяһәтчини күтүвалидиған болуп, муз чоққиларни саяһәт қилдүрүш үчүн киши бешиға 20 йүәндин пул алмақта икән.

Шинхуа ахбарат агентлиқи, " муз чоққилирини айлиниш җәрянида бипәрва саяһәтчиләр муз қатлимини тәкшүрүш әсваплириға бузғунчилиқ қилған "дәйду. Райондики муһит асраш органлириниң радиомизға ашкарилишичә, 2004 - йили буғда чоққисидин 6 тонна әхләт йиғивелинған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт