Xitayning sayahetchilik ishliri güllen'genséri Uyghurlar arqida qalmaqta


2006-12-27
Share

Roytés agéntliqining xewer qilishiche, Uyghur élidiki bir qisim jaylarning sayahet ornigha aylinishi bilen, xitay sodigerliri payda tépip, yerlik Uyghurlarning turmush sewiyisi barghanséri arqida qélishqa bashlighan.

Yéqinda emma graham isimliq bir muxbirning xitayning sayahetchilik ishliri güllen'genséri Uyghurlar arqida qalmaqta dégen témidiki melumatida éytilishiche, turpanning üzüm makani tuyuq yézisida yerlik Uyghur milliti bilen xitaylar otturisidiki perq intayin chong bolup, weziyet bir qeder jiddiyleshken. Mesilen mezkur yézidiki ismini melum qilishni xalimighan bir Uyghurning bildürüshiche, xitay soda shirketliri hazir tuyuq yézisini sayahet ornigha aylanduriwalghan. Ular mezkur yézini ziyaret qilmaqchi bolghanlargha 30 yü'endin bilet sétip nurghun payda alghan. Lékin mezkur yézining igisi bolghan Uyghurlargha sayahetchilerdin kirgen kirimdin bir tiyin paydisi tegmigen.

Mezkur melumatta xitay millitining yillardin buyan Uyghur élining néfit, gaz we türlük yer asti bayliqliridin xalighanche behriman boliwatqanliqi bayan qilin'ghan.

Xongkongdiki kishilik hoquq közitish teshkilatining shinjang ishliri mutexessisi nikola béklin ependi xitay hökümitining Uyghur élini tereqqiy qilimiz dégen bahane bilen, Uyghur élige türkümlep köchmenlerni yötkep kéliwatqanliqini hemde mezkur jayning bayliqini bolang ‏-talang qilipla qalmay Uyghur millitining mediniyitinimu barghanséri suslashturiwatqanliqini bildürdi. (Méhriban)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet