Uyghur aptonom rayonida kent derijilik saylam élip bérilghan


2005-03-15
Share

Uyghur aptonom rayoni boyiche élip bérilghan kent komitétlirining ezalar saylimi asasen axirlashqan. Aptonom rayonluq xelq ishlar nazaritidiki da'irilerning ashkarilishiche, Uyghur aptonom rayoni boyiche xoten qatarliq bir qisim jaylarni hésabqa almighanda 9500 din artuq kentte saylam élip bérilghan.

"Shinjang iqtisad géziti" aptonom rayon boyiche her qaysi kent komitétlirigha 40 mingdek yéngi eza saylan'ghanliqini xewer qildi. Xitay metbu'atliri, qarasheherde saylam yéshidiki puqralarning 97 ٪ saylamgha qatnashqanliqini bildürmekte. Da'iriler qarasheherde puqralarni saylamgha jelp qilish üchün, radi'o - téléwiziye shundaqla teshwiqat mashinilirini heriketlendürgen.

Xitay metbu'atliri, saylamning néme üchün xoten qatarliq bir qisim jaylarda kéchikkenlikini tilgha almidi. Biraq saylam, merkizi gérmaniyidiki dunya Uyghur qurultiyining tenqidige uchridi. Saylam netijisini qobul qilish imkansiz, dep tekitligen qurultay bayanatchisi dilshad rishid, " saylam ötküzüsh yaxshi bir bashlinish, biraq nöwettiki weziyet astida Uyghurlar özining tallishini erkin ipadilesh muhitige ige emes," dep körsetti. Hazir doxturxanida dawaliniwatqan dilshad rishidning bildürüshiche, sherqiy türkistanda bilet tashlash hoquqi yerlikler bilen cheklenmigen her qandaq saylam qanuni asasini yoqitidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet