Бир уйғур дөләт бихәтәрликигә дәхли йәткүзгән дегән җинайәт билән қолға елинди

Уйғур илиниң қәшқәр вилайитидики алимҗан һимит исимлик бир хрстян дин тарқатқучиси йеқинда җамаәт хәвпсизлик идариси тәрипидин дөләтниң бихәтәрликигә дәхли йәткүзгән дегән җинайәт билән қолға елинған.

Истансимизниң игилишичә , нөвәттә сақчи даирилири, алимҗан һимитниң аялини тәкшүрүшни тәләп қилиш билән биргә, униң аилисиниң сирттин кәлгән телефунларға җаваб бериши, болупму чәтәллик мухбирларниң зияритини қобул қилишини чәклигән , аалимҗан һимитниң бейҗиңдики адвокати истансимизға, алимҗан һимитниң туғқанлириниң өзи билән алақә бағлаватқанлиқини билдүрүп " : һөкүмәтниң уларға әвәткән уқтуруши уйғурчә йезилғанлиқи үчүн , мән уқтурушта пәқәт дөләтниң бихәтәрликигә дәхли йәткүзгән дегән җинайәтниңла турғузулғанлиқини көрдүм , тоғра тәрҗимә қилинмиғанму яки хата болуп қалғанму ? бу дило үстидин чиқирилған һөкүм таза ениқ әмәстәк туриду" деди.

Өткән йили 10 ‏- айда алимҗан һимит баш дерикторлуқидики ширкәт , қанунсиз диний паалийәт билән шуғулланған дегән әйибләш билән тақивитилгән вә ширкәткә аит буюмлар мусадирә қилиниған болуп, һөкүмәт 3 айдин кейин алимҗанни қолға алған. Хирстян диний тәшкилатлири, хитай һөкүмитиниң диний әркинликкә изчил түрдә тосқунлуқ қилип келиватқанлиқини әйибләп, хитай дөләт рәиси ху җинтавға очуқ хәт йезип, қолға елинған хрстян муритлирини дәрһал қоюп беришни тәләп қилмақта.

Уйғурлар иислам диниға етиқад қилидиған болғачқа, улар алимҗан һимитниң қолға елиниш мәсилисигә әмәс , бәлки униң хрстян мурити болғанлиқиға әҗәбләнмәктә.