Shangxey hemkarliq teshkilati diniy we milliy ishlar terbiyilesh kursi achti

Shangxey hemkarliq teshkilatigha eza döletlerning "diniy we milliy ishlargha mes'ul hökümet emeldarliri aspirantliq buyiche terbiyilesh kursi" 28 - iyun ürümchide ayaghlashqan bolup, tengritagh axbarat torida xewer qilinishiche, mezkur kurs xitay döletlik soda ministirliqining hawalisi bilen teshkillen'gen iken.
Muxbirimiz jüme xewiri
2008-06-30
Élxet
Pikir
Share
Print

 Xewerde körsitilishiche, kursni Uyghur aptonom rayonluq tashqi soda nazariti üstige alghan bolup, kurs 16 - iyun ürümchide bashlan'ghan.

Melum bolishche, bu shu xildiki kurslarning ürümchide tunji qarar échilishi bolup, kursqa shangxey hemkarliq teshkilatigha eza döletlerdin kelgen 19 neper hökümet emeldari qatnashqan.

Xewer qilinishiche, mezkur kursantlargha pédagogika uniwérsitéti, aptonom rayonluq ijtima'iy penler akadémiyisi, diniy we milly ishlar komitéti qatarliq organlardin kelgen mutexessisler ders ötken hemde xitayning milliy we diniy ishlarni bashqurushqa alaqidar bir qisim siyaset hemde chet'elliklerning diniy pa'aliyetlirini bashqurushqa alaqidar belgilimilerdin liksiye sözligen.

Shangxey hemkarliq teshkilati xitayning teshebbusi bilen 2001 - yili 15 - iyun resmiy qurulghan bolup, beziler uni asiyadiki shimaliy atlantik ehdi teshkilati dep qaraydighan bolsimu, emma yene beziler hazirche bu teshkilatning asasliq nishani ottura asiyada siyasiy pa'aliyet élip bériwatqan Uyghurlarni chekleshke qaritilghanliqini ilgiri sürmekte.
Toluq bet