Shangxey guruhigha eza döletlerning medeniyet xadimlirining bilim ashurush kursi ürümchide ötküzüldi


2007.11.25

Shangxey hemkarliq teshkilatigha eza alte dölet ichidiki qazaqistan, qirghizistan, özbékistan we tajikistanning 21 neper medeniyet sahesidiki xadimi ürümchige jem bolup, Uyghur aptonom rayonluq medeniyet nazariti we "shinjang" xelq'ara iqtisadiy hemkarliq shirkiti birliship teshkilligen shangxey hemkarliq teshkilatigha eza döletlerning medeniyet xadimlirining bilim ashurush kursigha qatnashti.

Xitayning shinxu'a agéntliqining xewerlirige tayan'ghanda, ottura asiya jumhuriyetlerdin kelgen mezkur xadimlargha Uyghur élining medeniyet, millet ehwali, her qaysi milletlerning öz medeniyetlirini téz sürette tereqqi qildurup, körünerlik netijiler qolgha keltürülgenliki hemde bu sahediki hemkarliqlar mesilisi we bashqilar tonushturulghan.

Ular bilen ötküzülgen söhbet yighinlirigha ataqliq darwaz adil hoshur, ataqliq ussulchi dilnar qatarliq medeniyet-sen'et sahesidiki bir qisim kishiler qatnashturulghan. Melum bolushiche, bu kurs 10 kün dawamlishidiken hemde ular béyjing, shangxey qatarliq sheherlerge élip bérilip, medeniyet sahesidikiler bilen pikir almashturidiken hem ékskursiye qilidiken.

Nöwette, shangxey hemkarliq teshkilatining tüp xaraktérining herbiy-siyasiy tüs éliwatqanliqi, her qaysi döletlerning oz aldighan közligen meqsiti bar bolsimu, biraq, xitayning meqsitining her qaysi eza döletlerning yardimi bilen Uyghurlarning musteqilliq hem kishilik hoquqni qoghdash heriketlirige zerbe bérip, özining Uyghur élidiki hakimiyitini mustehkemlep, u yerdin we ottura asiyadin alidighan néfit-tebi'iy gaz bayliqlirini kapaletke ige qilish ikenliki bildürülmekte. Téxi yéqindila qeshqer ottura sot mehkimisi besh neper Uyghur yashqa milliy bölgünchilik jinayiti bilen kolléktip ölüm jazasi bergen idi.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.