Ақсу шаяр түрмиси топилаң йүз беришидин қаттиқ әндишә қилмақта

Баш шитаби германийидики шәрқий түркистан учур мәркизиниң билдүрүшичә, хитай һөкүмити ақсу шаяр түрмисиниң 2 - тармиқида бирәр топилаң йүз беришидин қаттиқ әндишә қилип, бихәтәрлик тәдбирлирини күчәйткән.

Мәзкур тәшкилатниң ашкарилишичә, шая түрмисиниң 2 - тармиқидики түрмә даирилири уйғур вә хитай җинайәтчилиригә пәрқлиқ муамилә қилғачқа, җинайәтчиләр арисидики зиддийәт күчәйгән. Түрмә даирилири түрминиң сиғимчанлиқи ешип кәткән нөвәттики шараитта, хитай җинайәтчилиригә нисбәтән етибар берип, уйғур мәһбуслирини чәткә қаққан. Болупму камирларға бөлүш, җаза йениклитиш вә маддий мукапатларни хитай җинайәтчилиригила бәргән. Буниңдин сирт, хитай җинайәтчилириниң уйғур мәһбуслирини бозәк қилишиға йол қойған.

Шәрқий түркситан учур мәркизиниң ейтишичә, бу хил әһвал, уйғур мәһбуслирида қаттиқ наразилиқ кәйпиятларни шәкилләндүргән. Ақсу вилайәтлик алақидар тармақлар вә түрмә даирилириму җинайәтчиләр арисидики зиддийәттин, бирәр чоң топилаң көтүрилишидин әнсирәп, йеқинда барлиқ түрмә хизмәтчилириниң байрамлиқ дәм елишлирини бикар қилған, шундақла түрмидики гүндипайлар санини көпәйткән.

Ақсу шаяр түрмисидә 1996 - йили 7 - айниң 15 - күни, уйғур сиясий мәһбуслири билән сақчилароттурисида қораллиқ тоқунуш йүз берип, уйғур елини зилзилигә кәлтүргән иди. (Арзу)