Шаяр наһийисидики бир уйғур тиҗарәтчи кишиләрни һәҗгә тәшкиллигини үчүн 7 йиллиқ қамақ җазасиға учриған

Ақсу шаяр наһийилик һөкүмәт тор бетидин ашкарилинишичә, мушу айниң 13 ‏ - күни шаяр сот мәһкимиси очуқ сот ечип, уйғурларни һәҗгә тәшкиллигән бир уйғур тиҗарәтчи үстидин һөкүм елан қилған.
Мухбиримиз шөһрәт һошур хәвири
2008.06.24

 Һөкүмдә, мәһкумниң, һаҗи намзатлирини алдиғанлиқи үчүн алдамчилиқ җинайити билән әйибләнгәнлики билдүрүлгән. Дуня уйғур қурултийиниң баянатчиси дилшат ришитниң бүгүнки баянатида билдүрүлүшичә, хитай һөкүмитиниң мәзкур тиҗарәтчи үстидин чиқарған һөкүми сиясий бир һөкүм, хитай уйғурларниң диний паалийәтлирини чәкләш, болупму олимпик һарписда, уйғурларниң ташқи дуня билән учришишини чәкләш үчүн, һәҗ қилғучиларниң санини чәклимәктә вә һәҗгә тәшкиллигучиләрни җазалимақта.

Шаяр һөкүмәт тор бетиниң хәвридики бәзи мәлуматлар дилшат ришитниң юқириқи қарашлирини испатлайдиған мәзмунда. Хәвәрдә, мәзкур сотниң әһмийити һәққидә тохтилип, һөкүмәтниң нөвәттә һәҗ сәпирини бир туташ елип бериш, тарқақ һәҗгә йол қоймаслиқ үчүн җиддий һәрикәт елип бериватқанлиқи баян қилиниду.

Бүгүн мухбиримиз шаяр наһийисидин әһвал игилигәндә, мәһкумниң илгириму һәҗ гурупписи тәшкиллигәнлики вә бир қатар хәйр - сахавәт ишлири билән җамаәт ичидә һөрмәткә еришкән киши икәнлики билдүрүлгән.
Мунасивәтлик хәвәрләр
Уйғур хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.