Shayar nahiyisidiki bir Uyghur tijaretchi kishilerni hejge teshkilligini üchün 7 yilliq qamaq jazasigha uchrighan

Aqsu shayar nahiyilik hökümet tor bétidin ashkarilinishiche, mushu ayning 13 ‏ - küni shayar sot mehkimisi ochuq sot échip, Uyghurlarni hejge teshkilligen bir Uyghur tijaretchi üstidin höküm élan qilghan.
Muxbirimiz shöhret hoshur xewiri
2008.06.24

 Hökümde, mehkumning, haji namzatlirini aldighanliqi üchün aldamchiliq jinayiti bilen eyiblen'genliki bildürülgen. Dunya Uyghur qurultiyining bayanatchisi dilshat rishitning bügünki bayanatida bildürülüshiche, xitay hökümitining mezkur tijaretchi üstidin chiqarghan hökümi siyasiy bir höküm, xitay Uyghurlarning diniy pa'aliyetlirini cheklesh, bolupmu olimpik harpisda, Uyghurlarning tashqi dunya bilen uchrishishini cheklesh üchün, hej qilghuchilarning sanini cheklimekte we hejge teshkilliguchilerni jazalimaqta.

Shayar hökümet tor bétining xewridiki bezi melumatlar dilshat rishitning yuqiriqi qarashlirini ispatlaydighan mezmunda. Xewerde, mezkur sotning ehmiyiti heqqide toxtilip, hökümetning nöwette hej sepirini bir tutash élip bérish, tarqaq hejge yol qoymasliq üchün jiddiy heriket élip bériwatqanliqi bayan qilinidu.

Bügün muxbirimiz shayar nahiyisidin ehwal igiligende, mehkumning ilgirimu hej guruppisi teshkilligenliki we bir qatar xeyr - saxawet ishliri bilen jama'et ichide hörmetke érishken kishi ikenliki bildürülgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.