Amérikidiki Uyghurlar sherqi türkistan rehberliri wapatining 55 - yilliqini xatirilesh pa'aliyiti ötküzdi

Bu yil 27 - awghust küni, sherqi türkistanning inqilabiy rehbiri exmetjan qasimi qatarliq kishilerning "ayrupilan hadisisi" bilen qaza tapqanliqining 55 yilliq xatire küni.

Xitay hökümiti buningdin 55 yil ilgiri , sherqiy türkistan jumhuriyitining rehberliri exmetjan qasimi, is'haqbeg munonof, abdukérim abbasof , delilqan sügürbayéf qatarliq kishiler béyjingda échilghan siyasiy meslihet kéngishi yighinigha qatnishish üchün kétiwatqinida, ayrupilan hadisisige uchrap wapat bolghanliqini bildürgen idi.

Exmetjan qasimi bashliq sherqiy türkistan inqilabiy rehberlirining wapatini xatirilesh munasiwiti bilen amérikidiki bir qisim Uyghurlar peyshenbe küni aq sarayning yénidiki lafayet meydanigha yighilip, pa'aliyet élip bardi. "Sherqi türkistan azatliq merkizi teshkilati" ning oyushturushi bilen élip bérilghan bu pa'aliyette ular, exmetjan qasimi qatarliq sherqiy türksitan rehberlirining resimlirini körgezme qilip, meydandiki amérikiliqlargha ularning ish izliri we wapatini chüshendürdi. (Arzu)