Sh h t " térrorchiliqqa" qarshi hemkarliqni kücheytidighanliqini bildürdi


2005.06.05

Shangxey hemkarliq teshkilatigha eza xitay, rusiye we töt ottura asiya jumhuriyetlirining tashqi ishlar ministirliri shenbe küni qazaqistanda söhbet ötküzüp, " térrorchiliqqa" qarshi hemkarliqni téximu kücheytidighanliqini bildürdi.

Amérika birleshme axbarat agéntliqining xewirige qarighanda, ular shangxey hemkarliq teshkilati dölet rehberlirining kiler aydiki uchrushishida imzalishi üchün, bir qatar höjjetlerni teyyarlighan. Bu höjjetler, hindistan, iran we pakistanni " küzetküchi" salahiyiti bilen teshkilatqa qubul qilish, térrorchiliqqa qarshi birleshme heriket élip bérish we jiddiy ehwallarda öz - ara yardemlishish qatarliqlarni öz ichige alidiken.

Rusiye tashqi ishlar ministiri sérgiy lawrup yighindin kiyinki muxbirlarni kütiwélish yighinida, " özbeksitanda ötken ayda yüz bergen xelq qarshiliq herikitide chéchen térroristliri we talibanlarning qoli bar" dep qayta tekitlep, " biz hemmimiz radikallarning dölitimizge hojum qilishidin saqlinishni xalaymiz" dégen.

Biraq analizchilar, rusiye we xitayning chéchen we Uyghur musteqilchilirini basturush üchün," térrorchiliqqa" qarshi köreshtin paydiliniwatqanliqini körsetmekte.

Shangxey hemkarliq teshkilati chégra bixeterlikini qoghdash namida qurulghandin buyan öz tesir da'irisini kéngeytishke urunmaqta. Bolupmu 11 - sintebir weqesidin kiyin, xitay we rusiye shangxey hemkarliq teshkilati arqiliq amérikining ottura asiyadiki tesirige taqabil turushni istigen.

Nöwette shangxey hemkarliq teshkilatigha xitay we rusiyidin sirt, qirghizistan, qazaqistan, özbekistan we tajikistanlar eza. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.