Ш һ т дики дөләтләр оттура асиядики ғәрб қошунлирини чекиндүрүш вақит җәдвили бәлгиләшни тәләп қилди


2005.07.05
Share on WhatsApp
Share on WhatsApp

Шаңхәй һәмкарлиқ тәшкилатидики русийә, хитай, вә оттура асиядики дөләтләр америка башчилиқидики ғәрб иттипақдаш күчлириниң оттура асиядики қошунлирини чекиндүрүш вақит җәдвили елан қилишини тәләп қилди. Өзбекистан билән қирғизистан америкиниң афғанистандики қисимлирини һәрби база билән тәминлимәктә иди.

Шаңхәй һәмкарлиқ тәшкилатидики дөләтләрниң башлиқлар йиғини сәйшәнбә күни қазақистан пайтәхти астанида баянат елан қилип, " афғанистандики терроризимға қарши туруш һәрикити ахирлишиш алдида туриватқан чағда, шаңхәй һәмкарлиқ тәшкилати иттипақдаш дөләтләрни оттура асия әллиридики асаси әслиһәләр шундақла бу дөләтләрни қачанғичә арқа сәп базиси қилип ишлитидиғанлиқи тоғрисида вақит җәдвили бәлгиләшкә үндәйду," дәп көрсәтти.

Кримилин сарийиниң ташқи ишлар мәслиһәтчиси сергей приходко, "шаңхәй шаңхәй һәмкарлиқ тәшкилатиниң баянати олтуматум әмәс, әмма улар оттура асияда қанчилик туридиғанлиқини елан қилиши керәк," дәп көрсәтти.

Йиғинда, шаңхәй һәмкарлиқ тәшкилатидики дөләтләр бихәтәрлик җәһәттики һәмкарлиқни күчәйтишкә қошулди. Хитай дөләт рәиси ху җинтав, "биз пүтүн күчимиз билән бихәтәрлик җәһәттики һәмкарлиқимизни күчәйтишимиз керәк, болмиса муқимлиқ тоғрисидики сөһбитимизниң әһмийити қалмайду," деди.

Йиғинда шаңхәй һәмкарлиқ тәшкилатидики дөләтләр бир қатар келишимләргә имза қойған. Бу келишимләр, әза дөләтләр җидди әһвални бир - биригә ярдәм қилиш, аталмиш үч хил күчләрниң бу дөләтләрдики һәрикитини чәкләш вә уларға зәрбә бериш қатарлиқларни өз ичигә алиду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.