Sh h t diki döletler ottura asiyadiki gherb qoshunlirini chékindürüsh waqit jedwili belgileshni telep qildi


2005.07.05

Shangxey hemkarliq teshkilatidiki rusiye, xitay, we ottura asiyadiki döletler amérika bashchiliqidiki gherb ittipaqdash küchlirining ottura asiyadiki qoshunlirini chékindürüsh waqit jedwili élan qilishini telep qildi. Özbékistan bilen qirghizistan amérikining afghanistandiki qisimlirini herbi baza bilen teminlimekte idi.

Shangxey hemkarliq teshkilatidiki döletlerning bashliqlar yighini seyshenbe küni qazaqistan paytexti astanida bayanat élan qilip, " afghanistandiki térrorizimgha qarshi turush herikiti axirlishish aldida turiwatqan chaghda, shangxey hemkarliq teshkilati ittipaqdash döletlerni ottura asiya elliridiki asasi esliheler shundaqla bu döletlerni qachan'ghiche arqa sep bazisi qilip ishlitidighanliqi toghrisida waqit jedwili belgileshke ündeydu," dep körsetti.

Krimilin sariyining tashqi ishlar meslihetchisi sérgéy prixodko, "shangxey shangxey hemkarliq teshkilatining bayanati oltumatum emes, emma ular ottura asiyada qanchilik turidighanliqini élan qilishi kérek," dep körsetti.

Yighinda, shangxey hemkarliq teshkilatidiki döletler bixeterlik jehettiki hemkarliqni kücheytishke qoshuldi. Xitay dölet re'isi xu jintaw, "biz pütün küchimiz bilen bixeterlik jehettiki hemkarliqimizni kücheytishimiz kérek, bolmisa muqimliq toghrisidiki söhbitimizning ehmiyiti qalmaydu," dédi.

Yighinda shangxey hemkarliq teshkilatidiki döletler bir qatar kélishimlerge imza qoyghan. Bu kélishimler, eza döletler jiddi ehwalni bir - birige yardem qilish, atalmish üch xil küchlerning bu döletlerdiki herikitini cheklesh we ulargha zerbe bérish qatarliqlarni öz ichige alidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.