Хитай дөләт кабинти "шинҗаң мәсилиси" тоғрисида мәхсус йиғин чақирди


2007-09-14
Share

Хитай дөләт кабинти алдинқи күни " шинҗяң мәсилиси" тоғрисида мәхсус йиғин чақирип, мәркизи һөкүмәтниң уйғур аптоном райониға қаритилған истиратегийиси вә мәркәзниң шинҗяң мәсилисидики орунлаштурүшини әмәлийләштүрүш қәдимини тезлитишни музакирә қилған. Лекин хәвәрләрдә хитай дөләт кабинтида музакирә қилинған уйғурлар һәққидики конкрет мәсилиләр тилға елинмиди.

Хитай мәтбуатлириниң әскәртишичә, йиғинда уйғур илидики вәзипә наһайити "мушәққәтлик" болсиму, лекин мәркәзниң "шинҗяң" мәсилисидики орунлаштурушини йәни иқтисадини ечиш, муқимлиқни қоғдаш һәққидики орунлаштурушини қәтий иҗра қилиш керәк, дәп тәкитләнгән. Йиғинда уйғур елиниң нөвәттики вәзийити асан қолға кәлмәйдиған зор истиратегийилик пурсәт, дәп қарилип, бу пурсәтни чиң тутуш вә яхши қоллиниш тәләп қилинған. Хитай мәтбуатлирида мәркизи һөкүмәтниң уйғур или һәққидики орунлаштурушини "пуқраларни хатирҗәм қилиш, чегрини мустәһкәмләш истиратегийиси," дәп тәриплимәктә.

Мәркәзниң "шинҗяң"мәсилисидики орунлаштуруши хитайниң җяң земин дәвридә 1995-йили чиқарған 7 - номурлуқ һөҗҗитидики орунлаштурушини көздә тутидиған болуп, бу һөҗҗәтниң роһи уйғур елиниң муқимлиқини хитайларға тайинип сақлаш, уйғур илидики хитай көчмәнлирини хатирҗәм қилишни асасий мәзмун қилған иди.

Хитайниң райондики сияситини тәнқид қилғучилар, уйғур елиниң иқтисади тәрәққиятидин әмәлийәттә райондики хитай көчмәнлириниң бәһриман болуватқанлиқини, уйғурлар болса тәрәққиятниң сиртида қалғанлиқини илгири сүрмәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт