Xitay dölet kabinti "shinjang mesilisi" toghrisida mexsus yighin chaqirdi


2007-09-14
Share

Xitay dölet kabinti aldinqi küni " shinjyang mesilisi" toghrisida mexsus yighin chaqirip, merkizi hökümetning Uyghur aptonom rayonigha qaritilghan istiratégiyisi we merkezning shinjyang mesilisidiki orunlashturüshini emeliyleshtürüsh qedimini tézlitishni muzakire qilghan. Lékin xewerlerde xitay dölet kabintida muzakire qilin'ghan Uyghurlar heqqidiki konkrét mesililer tilgha élinmidi.

Xitay metbu'atlirining eskertishiche, yighinda Uyghur ilidiki wezipe nahayiti "musheqqetlik" bolsimu, lékin merkezning "shinjyang" mesilisidiki orunlashturushini yeni iqtisadini échish, muqimliqni qoghdash heqqidiki orunlashturushini qet'iy ijra qilish kérek, dep tekitlen'gen. Yighinda Uyghur élining nöwettiki weziyiti asan qolgha kelmeydighan zor istiratégiyilik purset, dep qarilip, bu pursetni ching tutush we yaxshi qollinish telep qilin'ghan. Xitay metbu'atlirida merkizi hökümetning Uyghur ili heqqidiki orunlashturushini "puqralarni xatirjem qilish, chégrini mustehkemlesh istiratégiyisi," dep teriplimekte.

Merkezning "shinjyang"mesilisidiki orunlashturushi xitayning jyang zémin dewride 1995-yili chiqarghan 7 - nomurluq höjjitidiki orunlashturushini közde tutidighan bolup, bu höjjetning rohi Uyghur élining muqimliqini xitaylargha tayinip saqlash, Uyghur ilidiki xitay köchmenlirini xatirjem qilishni asasiy mezmun qilghan idi.

Xitayning rayondiki siyasitini tenqid qilghuchilar, Uyghur élining iqtisadi tereqqiyatidin emeliyette rayondiki xitay köchmenlirining behriman boluwatqanliqini, Uyghurlar bolsa tereqqiyatning sirtida qalghanliqini ilgiri sürmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet