Хитай б д т да шәрқий түркистан азадлиқ тәшкилатини тилға алди


2005.10.28
Share on WhatsApp
Share on WhatsApp

Хитайниң б д т дики баш әлчиси ваң гуаңя, б д т хәвпсизлик кеңәшиниң йиғинида шәрқий түркистан азадлиқ тәшкилатини тилға елип, һәр қайси дөләтләрни шәрқий түркистан күчлиригә қарши турушқа чақирди. Ваң гуаңя, бу сөзләрни чаршәнбә күни б д т хәвпсизлик кеңишиниң терроризм тоғрисида өткүзгән йиғинида оттуриға қойған.

Америка 2002 - йили шәрқий түркистан ислам һәрикитини террорлуқ тәшкилатлар тизимликигә киргүзгәндин кейин, хитай һөкүмити шәрқий түркистан азадлиқ тәшкилатиниму тизимликкә киргүзүшни тәләп қилған. Әмма америка шәрқий түркистан азадлиқ тәшкилатиниң террорлуқ һәрикәтләр билән шуғулланғанлиқиға даир пакит йоқлиғиқни әскәртип, хитайниң тәлипини рәт қилған иди.

Ваң гуаңя йиғинида, "шәрқий түркистан азадлиқ тәшкилатини җоңго тәрипидин бекитилгән террорлуқ тәшкилатларниң бири, бу тәшкилат йеқинда интернет арқилиқ барлиқ вастилар билән җоңгоға қарши 'қораллиқ күрәш' елип баридиғанлиқи тоғрисида җар салди," дәйду. Ваң, шәрқий түркистан учур мәркизини террорлуқ тәшкилатларниң бири, дәп атиған.

Шәрқий түркистан азадлиқ тәшкилатини уйғур аптоном райони қурулғанлиқини 50 йиллиқини тәбрикләш һарписида елан қилған баянатида, әгәр уйғурларни бастуруш давамлаштурулса хитай даирилиридин өч алидиғанлиқини җакарлиған иди.

Хәлқара кишилик һоқуқ органлири болса бейҗиң даирилирини " тероризимға қарши урушни баһанә қилип, уйғурларниң кишилик һоқуқини дәпсәндә қилиш" билән әйиблимәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.