Uyghurlar amérika dölet mejlisining Uyghurlargha qaritilghan tughut cheklimisi heqqide qanun chiqirishini telep qildi


2005.01.28
Share on WhatsApp
Share on WhatsApp
sidiq-haji-150.jpg
Sidiq haji rozi ependi amérika dölet mejlisining réybén sariyida söz qilmaqta. RFA resimi

Xitay türmisidiki kishilik hoquq pa'aliyetchisi rabiye qadirning yoldishi sidiq haji rozi, charshenbe küni amérika dölet mejlisi binasida oküzülgen rabiye qadirgha bérilgen rafto mukapatini tapshuruwélish murasimida söz qilip, amérika dölet mejlisidin xitay hökümitining Uyghurlargha yürgüziwatqan pilanliq tughut siyasitige qarshi qanun chiqirishini telep qildi.

Sidiq haji, Uyghur aptonom rayonining re'isi ismayil tiliwaldining sözini neqil keltürüp, aptonom rayon boyiche 9 - besh yilliq pilan ichide 3 milyon bowaqning az tughulghanliqi tekitlidi. Uning körsitishiche, Uyghur aptonom rayonida 2003 - yili qosaqtiki bowaqlarning 58 ٪ tughulalmighan. Sidiq haji rozi, "men amérika dölet mejlisidin xitayning Uyghurlargha qaratqan pilanliq tughut siyasiti boyiche qanun chiqirishini telep qilimen. Prézidént bushning qanun lahiyisini qayturuwetmey testiqlishini telep qilimen," dep körsetti.

Mukapat tapshuruwélish murasimigha awam palata ezaliri frank wolf, donald péyn, ayal awam palata ezasi ilina ros-létinan qatarliqlar shundaqla tashqi ishlar ministirliqining mu'awin yardemchi tashqi ishlar ministiri randi shraywér, sabiq tashqi ishlar yardemchisi lorén kréynirlar ishtirak qilghan.

Rabiye qadir ötken yili 11 - ayda norwigiye rafto fondi jem'iyitining 2004 - yilliq kishilik hoquq mukapatigha érishken idi. Biraq eyni chaghda rabiye qadirning a'ile - tawabati mukapatni élishqa waqtida baralmighan. Mukapat tapshuruwélish murasimi bu qétim amérika dölet mejlisining réybon sariyida ötküzüldi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.