Хитай һөкүмити уйғур елидики алий мәктәпләрдә сиясий идийиви тәкшүрүш елип бармақта


2007-04-17
Share

Хитай агентлиқиниң үрүмчидин бәргән хәвиридин мәлум болушичә, аптоном районлуқ маарип комитетиниң тәкшүрүш гурупписи алий мәктәп оқуғучилириниң сиясий идийисини игиләш үчүн, 17 ‏- април күнидин башлап, уйғур елидики санаәт институтида мәхсус тәкшүрүш вә баһалаш хизмити елип барған.

Хәвәрдә ейтилишичә аптоном районлуқ маарип комитети тәрипидин елип берилидиған бу қетимқи тәкшүрүш вә баһалаш хизмити икки күн давамлишип, бу җәрянда алди билән оқуғучилар арисида өз идийисини тәкшүрүш,өз идийисини мәлум қилиш қатарлиқ түрлүк паалийәтләр елип берилидикән. Андин маарип комитетиниң тәкшүрүш гурупписидикиләр оқуғучиларниң өзини тәкшүрүш доклатиға асасән, номур қоюш усули арқилиқ баһалаш елип баридикән.

Хәвәрдә илгири сүрүлүшичә, һазирдин башлап, икки ай ичидә, бу хил тәкшүрүш уйғур елидики һәрқайси алий мәктәпләрдә нөвәт билән елип берилидикән.

Чәтәлләрдики анализчилар , хитай һөкүмитиниң уйғур елидики алий мәктәпләрдә бу хил сиясий идийиви тәкшүрүш елип бериши мәзкур җайдики оқуғучиларниң каллисиға пүтүнләй комунизим идийисини сиңдурушни мәқсәт қилғанлиқ" дәп көрсәтмәктә. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт