Xitay hökümiti Uyghur élidiki aliy mekteplerde siyasiy idiyiwi tekshürüsh élip barmaqta
2007.04.17
Xitay agéntliqining ürümchidin bergen xewiridin melum bolushiche, aptonom rayonluq ma'arip komitétining tekshürüsh guruppisi aliy mektep oqughuchilirining siyasiy idiyisini igilesh üchün, 17 - april künidin bashlap, Uyghur élidiki sana'et institutida mexsus tekshürüsh we bahalash xizmiti élip barghan.
Xewerde éytilishiche aptonom rayonluq ma'arip komitéti teripidin élip bérilidighan bu qétimqi tekshürüsh we bahalash xizmiti ikki kün dawamliship, bu jeryanda aldi bilen oqughuchilar arisida öz idiyisini tekshürüsh,öz idiyisini melum qilish qatarliq türlük pa'aliyetler élip bérilidiken. Andin ma'arip komitétining tekshürüsh guruppisidikiler oqughuchilarning özini tekshürüsh doklatigha asasen, nomur qoyush usuli arqiliq bahalash élip baridiken.
Xewerde ilgiri sürülüshiche, hazirdin bashlap, ikki ay ichide, bu xil tekshürüsh Uyghur élidiki herqaysi aliy mekteplerde nöwet bilen élip bérilidiken.
Chet'ellerdiki analizchilar , xitay hökümitining Uyghur élidiki aliy mekteplerde bu xil siyasiy idiyiwi tekshürüsh élip bérishi mezkur jaydiki oqughuchilarning kallisigha pütünley komunizim idiyisini singdurushni meqset qilghanliq" dep körsetmekte. (Méhriban)
Köp körülgen xewerler
RFA
- Uyghur ziyaliyliri istanbulgha jem bolup, öz milliy teqdiri mesililirini muhakime qildi
- Uyghurlarning nopusi heqqidiki eng yéngi kitab
- Dolqun eysa b d t kishilik hoquq kéngishidin Uyghur irqiy qirghinchiliqigha qarita emeliy heriket qollinishni telep qildi
- Mongghul tetqiqatchi yang xeyying :“ Xitay hökümiti yürgüzüwatqan milliy assimilyatsiyeni xitay puqralirimu astirttin qollaydu”
- Wang xuning: “Shinjangdiki medeniyet, ma'arip we muqimliq siyasitini qet'iy dawamlashturush lazim!”