Хитай һөкүмитиниң сияси мәһбуслар тизимликидики икки уйғур


2005.02.08
Share on WhatsApp
Share on WhatsApp

Хитай һөкүмити өткән һәптә америка тәрәпкә тапшурған сияси мәһбуслар тизимиликидә икки нәпәр уйғур сияси мәһбусниң барлиқи ашкариланди. Америкиниң сан - франссиско шәһиридики "сөһбәт фонди җәмийити" ниң ашкарилишичә, хитай даирилириниң сияси мәһбуслар тизимликидә уйғур кишилик һоқуқ паалийәтчиси рабийә қадир билән муһәммәд таш исимлик йәнә бир сияси мәһбусниң исимлики орун алған.

Бу хитай һөкүмитиниң сияси сәвәпләрдин қолға елинған уйғурларни тунҗи қетим сияси мәһбус сүпитидә қобул қилиши болуп һесаблиниду. Бейҗиң һөкүмити өткән һәптә "сөһбәт фонди җәмийити" арқилиқ америка тәрәпкә хитай түрмисидики 56 нәпәр сияси мәһбусниң тизимликини тапшурған иди.

"Сөһбәт фонди җәмийити" ниң ашкарилишичә, муһәммәт таш исимлик сияси мәһбус америка һөкүмити яки "сөһбәт фонди җәмийити" тизимликидә йоқ болуп, хитай даирилириниң һазирғичә кишиләргә тонулмиған бир уйғур сияси мәһбусниң исмини елан қилғанлиқи, "сөһбәт фонди җәмийити" ниң қарши елишиға еришкән.

"Сөһбәт фонди җәмийити" ниң ашкарлишичә, муһәммәд таш 2000 - йили хитай аманлиқ даирилири тәрипидин қорал -ярақ сақлаш "җинайити" билән қолға елинип, 10 йиллиқ қамақ җазасиға һөкүм қилинған икән. Тизимликтики рабийә қадир болса америка һөкүмити вә дөләт мәҗлисиниң қоюп беришни тәләп қиливатқан сияси мәһбуслар тизимликидә алдин қатардики киши һесаблиниду.(Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт