Kishilik hoquq pa'aliyetchisi: xitaydiki siyasiy mehbuslarning üchtin biri Uyghur élide
2005.10.21
Xitaydiki siyasiy mehbuslarni qutuldurush herikiti bilen shughulliniwatqan amérikidiki dangliq di'alog fondi jem'iyiti jüme küni ular tizimgha alghan xitaydiki siyasiy mehbuslarning üchtin birining Uyghur élide ikenlikini ashkarilidi.
Ataqliq Uyghur kishilik hoquq pa'aliyetchisi rabiye qadir xanimning qoyup bérilishide asasliq rol oynighan, mezkur teshkilatning mes'oli jon kam, béyjingdiki chet'el muxbirlar kulubida buni bildürdi. U yene, amérika prézidénti jorj bush noyabirda xitaygha qilidighan ziyaritining harpisida, xitay hökümet da'irilirining dangliq siyasiy mehbuslarni qoyup bérish diplomatiyisini özgertishi mumkinlikini qiyas qildi.
Uning bildürishiche, xitay da'iriliri ilgiri amérika rehberlirining ziyaritining harpisida siyasiy mehbuslarni qoyup bérip, özining "yaxshi" niyitini ipadileytti. Emma xitayning yéngi rehberliri jiya zémin dewridiki bu siyasiy mehbus diplomatiyisidin waz kéchish teripini almaqta iken.
Bolupmu, bu yil 3 - ayda amérika tashqi ishlar ministiri rayisning ziyaritining harpisida, xitay rabiye qadir xanimni qoyup bérip, uni amérikigha yolgha salghan hemde uning bashqa xitay öktichilirige oxshash tinjip kétishini oylighan.
Jon kimning körsitishiche, emma buning eksiche, rabiye qadir xanim amérikigha kelgendin kéyin téz sür'ette dunyagha awazini anglitalmighan Uyghur xelqining awazigha aylan'ghan. Bu xitay hökümitining siyasiy mehbus diplomatiyisidin waz kéchish xa'ishige belgilik tesir körsetken. (Arzu)
Munasiwetlik maqalilar
- Xitay térrorchiliqqa qarshi qanun chiqirishqa teyyarlanmaqta
- Uyghur teshkilatliri xitayni térrorizm mesiliside qosh ölchem qollanmaqta, dep eyiblidi
- Xitay, xelq'arani térrorchiliqqa qarshi hemkarliqni kücheytishke chaqirdi
- Xitay hökümiti Uyghur aptonum rayoni qurulghanliqining 50 yilliqi harpisida bixeterlikni kücheytmekte
- Xitay hökümiti Uyghur musteqilchilirini térrorchiliq bilen eyiblidi