Xitay mutexessisi qorghasta "xitay-qazaqistan xelqara chégra sheherchisi" qurushni teshebbus qildi


2005-03-10
Share

Uyghur aptonum rayonluq hökümetning meslihetchisi bolghan xelq'ara munasiwetler mutexessisi shya yishen yéqinda qorghas chégrisida "xitay-qazaqistan xelqara chégra sheherchisi" qurushni teshebbus qildi.

Xitay metbu'atlirining bildürüshiche, u yéqinda béyjingda ötküzülgen xitay- qazaqistan yumilaq üstel yighinida, ikki dölet chégrisida soda munasiwetni asas qilghan hemkarliq merkizi qurush pilanini téximu kéngeytip, xelqara sheherche qurushqa aylandurushni otturigha qoyghan.

Ötken yili 9 - ayda qazaqistan prézidénti nezerbayéf Uyghur élini ziyaret qilghanda, Uyghur aptonum rayonluq hökümet bilen " qorghas xelq'ara hemkarliq merkizi qurush ramkisi kélishimi" ni imzalighan . Ikki dölet wekilliri yene buni ishqa ashurush yolida söhbet ötküzmekte idi.

Shya yishen ikki döletning iqtisadiy hemkarliqini téximu kücheytish üchün, xelq'ara hemkarliq merkizini téximu kéngeytip, xelqara chégra sheherchisige aylandurushni tekitligen.

Bir qisim analizchilarning körsitishiche, xitay ötken yilqi shangxey hemkarliq teshkilatining yighinida, ottura asiyada ortaq soda rayoni qurushni teshebbus qilghan bolsimu, biraq rusiyining qollishigha érishelmigen. Bu sewebtin xitay da'iriliri awal qazaqistan bilen ortaq soda rayoni qurush arqiliq, uni pütün ottura asiyagha kéngeytishke uruniwatqan iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet