Uyghur élide yer we qézilma bayliqlar soda merkizi quruldi


2005-08-12
Share

Yéqinda Uyghur élide "shinjang 'gowuyu'en' yer we qézilma bayliqlar soda merkizi qurulghan. Bu xitay boyiche 5 -, gherbiy shimal rayoni boyiche tunji yer we qézilma bayliqlar soda apparati bolup hésablinidiken.

Tengritagh torining xewer qilishiche, Uyghur éli yer we qézilma bayliqliri köp rayon bolup, emdi Uyghur élidiki térilghu yer we her xildiki zapas qézilma bayliq yerliri bu organ arqiliq sirtqa sétilidiken.

Xitay chiqarghan Uyghur élining yer özgirishini tekshürüsh statistikisigha qarighanda, 2004 - yilining axirghiche Uyghur élidiki zapas térilghu yer bayliqining omumiy kölimi 223 milyon mo, buning ichide 2030 - yilidin burun su kapalitila bolsa achqili boludighan yer 49 milyon 785 ming mo bolup, xitay boyiche birinchi orunda turidiken.

Xewerde melum bolushiche yene, pütün xitayda 171 xil qézilma bayliq türi bayqalghan bolup, buning ichide 138 xili Uyghur élide bayqalghan iken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet