Хитай сот мәһкимиси абла абдурешитниң сотини кечиктүргән


2004.09.10
Share on WhatsApp
Share on WhatsApp

Хиянәтчилик билән қолға елинған уйғур аптоном районлуқ нефит башқуруш идарисиниң сабиқ муавин мудири абла абдурешитниң әсли бу йил 5 - айда ечилидиған соти, һөкүмәт даирилири тәрипидин туюқсиз кечиктүрүлгән.

Абла абдурешит 2003 - йили 2 - айда хитай һөкүмити тәрипидин қолға елинип хиянәтчилик билән әйибләнгән иди. Сот мәһкимиси әсли абла абдурешитниң делоси үстидин бу йил 5 - айда сот ечишни қарар қилған. Бирақ бу йил 5 - айда униң соти туюқсиз кечиктүрүлгән . Үрүмчидики исмини ашкарилашни халимайдиған әрбапларниң билдүрүшичә , гәрчә тәптиш даирилири абла абдуршитни хиянәтчилик билән қолға алған болсиму , бирақ һазир уни чәтәлдики миллий бөлгүнчи тәшкилатлар , мәмликәт ичидики қанунсиз диний гуруһларға иқтисади ярдәм бериш билән әйибләшкә тәйярлиқ қилмақтикән .

юқириқи мәнбәләрниң ашкарлишичә , тәптиш даирилири һазирғичә абла абдурешитниң хиянәтчилик қилғанлиқиға даир һечқандақ пакитқа еришәлмигән . Униң бу йил 5 - айда өткүзүлидиған сотиниң кечиктүрүлишигә юқириқи амилларниң сәвәб болғанлиқи илгири сүрүлмәктә. Абла абдурешит йеқинқи икки йил ичидә хиянәтчилик билән әйиблинип қолға елинған аптоном раюндики юқури дәриҗилик уйғур кадирларниң иккинчиси. Абла абдурешиттин башқа аптоном раюнниң муавин рәиси аман һаҗиму хитай мәркизи интизам тәкшүрүш даирилири тәрипидин қолға елинип хиянәтчилик билән әйипләнгән. У һазирғичә бейҗиңда тутуп турулмақта. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.