Xitay sot mehkimisi abla abduréshitning sotini kéchiktürgen

2004-09-10
Élxet
Pikir
Share
Print

Xiyanetchilik bilen qolgha élin'ghan Uyghur aptonom rayonluq néfit bashqurush idarisining sabiq mu'awin mudiri abla abduréshitning esli bu yil 5 - ayda échilidighan soti, hökümet da'iriliri teripidin tuyuqsiz kéchiktürülgen.

Abla abduréshit 2003 - yili 2 - ayda xitay hökümiti teripidin qolgha élinip xiyanetchilik bilen eyiblen'gen idi. Sot mehkimisi esli abla abduréshitning délosi üstidin bu yil 5 - ayda sot échishni qarar qilghan. Biraq bu yil 5 - ayda uning soti tuyuqsiz kéchiktürülgen . Ürümchidiki ismini ashkarilashni xalimaydighan erbaplarning bildürüshiche , gerche teptish da'iriliri abla abdurshitni xiyanetchilik bilen qolgha alghan bolsimu , biraq hazir uni chet'eldiki milliy bölgünchi teshkilatlar , memliket ichidiki qanunsiz diniy guruhlargha iqtisadi yardem bérish bilen eyibleshke teyyarliq qilmaqtiken .

Yuqiriqi menbelerning ashkarlishiche , teptish da'iriliri hazirghiche abla abduréshitning xiyanetchilik qilghanliqigha da'ir héchqandaq pakitqa érishelmigen . Uning bu yil 5 - ayda ötküzülidighan sotining kéchiktürülishige yuqiriqi amillarning seweb bolghanliqi ilgiri sürülmekte. Abla abduréshit yéqinqi ikki yil ichide xiyanetchilik bilen eyiblinip qolgha élin'ghan aptonom rayundiki yuquri derijilik Uyghur kadirlarning ikkinchisi. Abla abduréshittin bashqa aptonom rayunning mu'awin re'isi aman hajimu xitay merkizi intizam tekshürüsh da'iriliri teripidin qolgha élinip xiyanetchilik bilen eyiplen'gen. U hazirghiche béyjingda tutup turulmaqta. (Erkin)

Pikirler (0)
Share
Toluq bet