Arxip
2008-07-29
Ili oblastining xewer torining seyshenbidiki xewiridin ashkarilinishiche, 25 - iyul küni ili oblasti chapchal nahiyisining xelq meydanida olimpikni qarshi élish namida herbiy manéwir ötküzülgen.
2008-07-28
Nöwette, Uyghur ilidiki 13 ayrodromda yéqindin buyan bixeterlik tekshürüsh tedbirliri kücheytilgen bolup, shinjang xelq radi'o istansining xewer qilishiche, hazir Uyghur élide ayropilan'gha olturghuchilar ikki qétim bixeterlik tekshürüsh ötkilidin ötidiken.
2008-07-26
Xitay da'iriliri shenbe küni, yéqinda xitayda yüz bergen aptobus partilitish weqelirining türkistan islam partiyisi teripidin élip bérilmighanliqini jakarlidi.
2008-07-25
Shangxeydiki eng igiz binalarning biri bolghan shangxey xelq meydanidiki 55 qewetlik mingtyen Mingtian sariyining olimpik mezgilidiki bixeterlik bashqurush tedbiride binagha Uyghur, tibet we chingxeylik tungganlarning kirishi cheklen'gen.
2008-07-24
Charshenbe küni, bir qisim amérika awam palata ezaliri xitaydiki kishilik hoquq depsendichiliklirini ayaghlashturushqa heydekchilik qilidighan bir qarar layihisini tonushturghan bolup, mezkur qarar layihiside, xitay hökümitining Uyghur qatarliq milletlerge qaritilghan kishilik hoquq depsendichiliklirini derhal toxtitishi kérekliki telep qilin'ghan.
2008-07-23
Shinxu'a agéntliqining bügün ürümchidin xewer qilishiche, xitay Uyghur rayonidiki ayrodurumlarda, partlatquch buyumlarni bayqash üskünilirini köpeytken. Shinjang hawa yoli bixeterlik ishxanisining mes'uli Zhong conglin , bu tedbirni peqet olimpik mezgilide yüz bérish éhtimali bolghan térrorluq pilanlirini bayqash üchün alghanliqini bayan qilghan.
2008-07-23
Kanadada chiqidighan yer shari pochta géziti bügün, xitay türmiside yétiwatqan kanada puqrasi hüseyin jélil heqqide xewer berdi. Xewerde bildürülishiche, hüseyin jélil mushu ayning 10 - küni a'ilisi bilen körüshken.
2008-07-23
Merkizi axbarat agéntliqining bügün xewer qilishiche, Uyghur rayonidiki jama'et xewpsizlik nazariti uqturush chüshürüp, intérnétte 16 xil témida muhakime qilishni chekligen.
2008-07-22
Ürümchi xewer liniyisi toridin bügün ashkarilinishiche, 17 - iyul küni ürümchi poyiz wogzalida, xitay ölkisidin Uyghur élige ishlemchilikke kelgen bir aqqun xitay, pichaq bilen töt ademni yarilandurghan.
2008-07-21
Bu yil séntebirde Uyghur élining ürümchi shehiride 17 - nöwetlik soda yermenkisi ötküzülidighan bolup, xitayning munasiwetlik tarmaqliri mezkur yermenkige qatnishidighan türkiye sodigerlirige yaxshi shara'it hazirlap béridighanliqini wede qilghan.
2008-07-20
Béyjing sheherlik j x idarisining bashliqi majénchu'en xitayning merkiziy téléwiziye istansisining heptilik xewerler sehipisining ziyaritini qobul qilip, béyjing olimpik tenheriket yighinining bixeterlik tedbirlirini élish ehwali heqqide toxtalghanda, bixeterlik ishliri üchün 400 milyon yüen meblegh sélin'ghanliqini ashkarilidi.
2008-07-20
Uyghur aptonom rayonluq hökümet aqsu wilayiti tewesidiki xitay ishlepchiqirish qurulush armiyisi 1 - diwiziyisining merkizi shehiri hésablinidighan alar shehiridin xoten shehirigiche bolghan ariliqtiki 2 - teklimakan yolida 1 - séntebirdin bashlap, barliq aptomobillardin qatnash heqqi élish tüzümi yolgha qoyushni qarar qilghan.
2008-07-18
Dunya Uyghur qurultiyi re'isi rabiye qadir xanim, peyshenbe küni, amérika dölet mejlisi diniy ishlar xizmet guruppisi teripidin uyushturulghan ispat bérish yighinida söz qilip, amérikining Uyghur élige xizmet ömiki ewetip, xitay da'irilirining rayonda yolgha qoyuwatqan basturush, tutqun qilish herikiti üstidin tekshürüsh élip bérishni telep qildi.
2008-07-18
Merkizi gérmaniyidiki dunya Uyghur qurultiyining ghulja shehiridiki edliye organlirida ishleydighan zatlarning sözini neqil keltürüp ashkarilishiche, yéqinda ghuljidiki xitay j x da'iriliri mezkur sheherde atalmish bölgünchilikke qutritish délosidin 6 ni, diniy sorundin paydilinip "dölet bixeterlikige tehdit sélish" délosidin 3 ni, bir "qanunsiz diniy pa'aliyet" soruni we bir "ghazatchilar"ni terbiyilesh kursini pash qilip, 45 ademni qolgha alghan.
2008-07-17
Dunya Uyghur qurultiyi bayanatchisi dilshat rishit teminligen melumatqa asaslan'ghanda, dunya Uyghur qurultiyi re'isi we Uyghur milliy herikitining yétekchisi rabiye qadir xanimning eyneklik ramkigha élin'ghan portréti, atush shehiri kochilirida peyda bolup qalghan bolup, shuning bilen yerlik xitay hökümiti atush shehiridiki dukan - restilerde jiddiy axturush herikiti bashlighan.