Үрүмчидә су йетишмәслик кишиләрниң нормал турмушидики җидди мәсилә болуп қалди


2005.02.25
Share on WhatsApp
Share on WhatsApp

Үрүмчи шәһәрлик парткомниң зувани "үрүмчи кәчлик гезити" ниң ашкарилишичә, уйғур аптоном райониниң мәркизи үрүмчидә су мәнбәсиниң камлиқи, "үрүмчи шәһириниң һәр қайси саһәләрдики тәрәқиятиға путлишидиған асаслиқ амил болуп қалидикән."

Хәвәрләргә қариғанда, үрүмчи районидики йәр асти су мәнбәси, тартип чиқарғили болмайдиған дәриҗигә чүшүп қалған болуп, "үрүмчи кәчлик гезити" су мәнбәсиниң бу әһвалға қелишиға һәр хил амилларниң сәвәп боливатқанлиқини илгири сүрди. Муһит асриғучилар, үрүмчи районида сүний нопус вә пилансиз санаәтлишишниң еғирлиқини агаһландурған.

2000 - Йилдики нопус сани бойичә һесаблиғанда үрүмчи бойичә киши бешиға тоғра келидиған су байлиқи 548 метир күп болуп, бу хитай бойичә киши бешиға тоғра келидиған су байлиқи өлчиминиң 4 дән бир қисимиға йәтмәйдикән.

Хитайниң өлчими бойичә су байлиқи йетишмәйдиған районларда киши бешиға тоғра келидиған су байлиқи кам дигәндә 500 күп метир болуши керәк. Үрүмчи бу өлчәмниң әң төвән чекигә чүшүп қалған.

Су ишлар назаритиниң сабиқ назири уйғур минуп, 1980 - йилларда үрүмчи районидики су мәнбәәсиниң нопус йөткәш вә пилансиз санаәтлишишкә яр бәрмайдиғанлиқини агаһландурған. У кейин машинисиға бомба орунлаштуруш сүйқәстигә учриған. Партлаш вәқәсидә уйғур минупниң қизи шатгүл өлгән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт