Ürümchide su yétishmeslik kishilerning normal turmushidiki jiddi mesile bolup qaldi


2005.02.25

Ürümchi sheherlik partkomning zuwani "ürümchi kechlik géziti" ning ashkarilishiche, Uyghur aptonom rayonining merkizi ürümchide su menbesining kamliqi, "ürümchi shehirining her qaysi sahelerdiki tereqiyatigha putlishidighan asasliq amil bolup qalidiken."

Xewerlerge qarighanda, ürümchi rayonidiki yer asti su menbesi, tartip chiqarghili bolmaydighan derijige chüshüp qalghan bolup, "ürümchi kechlik géziti" su menbesining bu ehwalgha qélishigha her xil amillarning sewep boliwatqanliqini ilgiri sürdi. Muhit asrighuchilar, ürümchi rayonida sün'iy nopus we pilansiz sana'etlishishning éghirliqini agahlandurghan.

2000 - Yildiki nopus sani boyiche hésablighanda ürümchi boyiche kishi béshigha toghra kélidighan su bayliqi 548 métir küp bolup, bu xitay boyiche kishi béshigha toghra kélidighan su bayliqi ölchimining 4 den bir qisimigha yetmeydiken.

Xitayning ölchimi boyiche su bayliqi yétishmeydighan rayonlarda kishi béshigha toghra kélidighan su bayliqi kam digende 500 küp métir bolushi kérek. Ürümchi bu ölchemning eng töwen chékige chüshüp qalghan.

Su ishlar nazaritining sabiq naziri Uyghur minup, 1980 - yillarda ürümchi rayonidiki su menbe'esining nopus yötkesh we pilansiz sana'etlishishke yar bermaydighanliqini agahlandurghan. U kéyin mashinisigha bomba orunlashturush süyqestige uchrighan. Partlash weqeside Uyghur minupning qizi shatgül ölgen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.