Uyghur élide 5 milyon'gha yéqin adem pakize su istimal qilalmaydiken

Uyghur aptonum rayonluq su ishliri nazaritining ashkarilishiche, su énirgiyisi we su bilen teminlesh qurulushining tereqqi qilmighanliqi sewebidin, nöwette pütün rayon boyiche 40 ٪ tin artuq yéza ahalisi yeni 4 milyon 870 ming adem pakize su istimal qilalmaydiken.

Xitay metbu'atlirida körsitilishiche, 4 milyon 870 ming kishi uzun muddet dézinfiksiye qilinmighan su ichkenliktin, déhqanlarning salametlik ehwali éghir derijide nacharlashqan we ular türlük késelliklerge giriptar bolghan.

22 - Mart küni "dunya su küni" bolup, sehiye teshkilatliri kishilerning taza su istimal qilip, salametlikini asrishini teshebbus qilmaqta.

Uyghur élidiki déhqanlarning pakize su istimal qilalmasliq ehwali heqqide toxtalghan dunya Uyghur qurultiyining bayanatchisi dilshat rishit, bir tereptin mesilining namratliqtin kélip chiqqanliqini, yene bir tereptin xitay hökümitining yer bayliqi mol, bay ziminning igilirini hetta pakize su ichish imkaniyitigimu ige qilmaywatqanliqini bildürdi. (Eqide)