Uyghur élining su bayliqi heddidin artuq ishlitilmekte


2005.03.29
Share on WhatsApp
Share on WhatsApp

Amérika mutexessisi sitenli tupis (Stanley Toops), Uyghur élidiki nopusning téz éshishi we xitayning her xil tereqqiyat qurulushlirining, Uyghur élidiki su bayliqlirining heddidin ziyade ishlitilishini keltürüp chiqiriwatqanliqini bildürdi.

Amérika mey'ami uniwérsitétining jughrapiye we xelq'ara tetqiqat proféssori sitenli tupis düshenbe küni washin'gtondiki jons xopkins uniwérsititida bergen doklatida, "xitayning 'gherbni échish' herikiti jeryanida qurulushlarni keng kölemde sélishi we néfit ishlepchiqirishining ihtiyaji we ahalilerning su istimali qatarliqlar qoshulup, Uyghur élide sugha bolghan ihtiyajni zor derijide ashuriwatidu", dep körsetti.

U yene, xitay hökümitining nöwette baghrash kölining süyini, qurup kétiwatqan tarim deryasigha quyush qurulishini tenqid qilip "baghrash kölining süyini yene qanchilik waqit tarim deryasigha quyush imkaniyiti barliqini héchkim bilmeydu. Baghrashning süyi ilgiri tatliq idi. Hazir barghansiri shorliship ketti. Shunga bu usul uzun mezgillik chare emes",- dédi.

Amérika mutexessisi sitenli tupis axirida, xitay hökümitini Uyghur élidiki su krizisini yaxshilash üchün ünümlük, uzun mezgillik istratégiye qollinishqa chaqirdi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.