Uyghur élidiki bir su ambirida suning bulghinishi sewebidin 150 tonna béliq ölgen

Uyghur élidiki ishlepchiqirish qurulush armiyisining 6‏- déwiziyisige qarashliq "‏1 ‏- awghust" su ambirining süyi éghir derijide bulghan'ghanliqtin az dégende 150 tonna béliq ölgen hemde buningdin kélip chiqqan iqtisadiy ziyan 600 ming yüen'ge yetken.

Xitay xewer toride melum qilinishiche, su ambiridiki xadimlarning bildürüshiche, bu yerdiki béliqlarning ölüsh ehwali bu yil 2‏-ayning otturiliridin bashlan'ghan. Mezkur su ambarning mes'ul xadimi jya bundaq bolushtiki sewebning su ambiri süyining éghir derijide bulghan'ghanlighidin ikenlikini bildürdi. Gerche ular bu ehwalni shu chaghda munasiwetlik orunlargha melum qilghan bolsimu, lékin buning aldi ünümlük élinmighan.

Jyaning bildürüshiche, suning bulghinishigha seweb bolghan amillar, sana'ettiki bulghan'ghan sularning we turmushtiki kéreksiz sularning tazilinishtin ötmeyla bu yerge qoyulghanliqidin iken. Bundaq zor türkümdiki béliqlarning téz sür'ette ölüp kétishi buyerde téxi körülüp baqmighan bir ehwal iken.

Ambar süyining bulghinishining éghirliqidin hetta bezi jaylardiki suning renggimu qapqara bolup ketken. Ambar mes'uli jya ularning hazir suni tazilash ishlirini élip bériwatqanliqini, buninggha yene az dégende 20 nechche kün waqit kétidighanliqini éytti.

"‏1‏- Awghust" su ambiri yiligha nechche ming tonna béliq ishlepchiqiridighan bolup, bu béliqlarning 3/2 qismi ürümchide sétilidiken. (Peride)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar