Uyghur élide su bulghinishi intayin éghir bolmaqta


2006.08.09

Xitay xewer agéntliqining 9‏- awghusttiki xewirige qarighanda, nöwette Uyghur élide su bulghinishi intayin éghir bolmaqta iken.

Munasiwetlik tekshürüsh orunlirining Uyghur élidiki 26 köl we deryada élip barghan tekshürishige qarighanda, bularning su süpiti omumiyüzlük nachar chiqqan. Bolupmu buning arisidiki baghrash kölini öz ichige 8 köl we su ambirining süyi éghir derijide bulghan'ghan iken.

Xewerde körsitilishiche, su bulghinishigha sewep bolghan asasliq amil, muhit qoghdash qanun-belgilimilirining yaxshi ijra qilinmasliqi we xilapliq heriketlerning köp yüz bérishi iken. Mesilen, baghrash kölige yiligha 480 milyon tonna paskina su we 7 milyon tonna sana'et kéreksiz süyi quyulidiken. Tümen derya boyigha jaylashqan doxturxana, qawaqxana we ot-éléktir istansisigha oxshash zawut karxanilar her künlükligi chiqqan kéreksz paskina sularni tümen deryasigha tökidiken.

Buningdin sirt yene, korla shehiridiki 3 chong qeghez yasash zawuti 2000‏- yili qeghez yasashtin kélip chiqqan paskina su derijisi ölchemge toshmighanliqi üchün taqiwétilgen bolsimu, lékin bu shirketler hazir téximu chong kölemde qaytidin échilip, kéreksiz sulirini pütünley könche deryasigha quyidiken.

Mana mushuninggha oxshash qanun-belgilimilerge emel qilmasliq we munasiwetlik orunlarnjing bu qanunni yaxshi ijra qilmasliqi qatarliq sewebler tüpeylidin, Uyghur élidiki derya-köllerning su muhiti kishini chöchütidighan derijide bulghanmaqta. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.