Уйғур аптоном районида 37 миң ботулка клиндамисун фосфат глукози байқалди

Җуңгода һазирғичә 3 адәмниң өлүшини кәлтүрүп чиқарған вә өткән һәптә хитай даирилири тәрипидин чәкләнгән анти - биотик дора клиндамисун фосфат глокузидин уйғур аптоном районида 200 миң ботулка байқалди.

Аптоном районлуқ йимәк - ичмәк вә дора башқуруш идариси сәйшәнбә күнгичә аптоном райондики 13 вилайәт, област вә шәһәрдин әнхуй хуайү|ән биологийилик дорилар чәклик ширкити ишләпчиқарған клиндамисун фосфат глокузидин 200 миң ботулка барлиқини, һазирғичә 209 миң ботулка клиндамисун фосфат глокузиниң сетилип болғанлиқини байқиған.

Районда чиқидиған хитайчә мәтбуатларниң ашкарилишичә, мәзкур идарә аптоном район бойичә 37 миң ботулка глокузниң йиғивелинғанлиқини җакарлиди. Бу глокузлар пәқәт қарамай шәһири вә хотән вилайитидә байқалмиған.

Бу глокузни истимал қилғандин кейин өлгән 3 - адәм хейлоңҗаңлиқ 6 яшлардики бир қиз болуп, бу вәқәдин кейин өткән һәптә җоңго даирилири бу дорини чәклиди. "Җоңго" гезитиниң хәвәр қилишичә, 70 яшлардики хебейлик бир бовай билән 48 яшлардики хубейлик бир аял мушу дори сәвәбидин өлгән.

Җоңго йимәк - ичмәк вә дора мәһсулатлирини башқуруш идариси, 4 - авғуст күни шаңхәй хуайән һәссидарлиқ чәклик ширкити вә әнхуй хуайүән биологийилик дорилар чәклик ширкити ишләпчиқарған бу дорини чәкләш тоғрисида уқтуруш чиқарған. (Әркин)