Xitay xelq qurultiyining bir neperUyghur wekili béyjingda pichaq sélip öltürüldi
2004.09.27
"Ulugh ira" gézitining shenbe küni bergen xewiridin melum bolishiche, Uyghur élidin béyjinggha erz sunush üchün kelgen Uyghur aptunum rayunluq xelq qurultiyining bir neper Uyghur kadiri jüme küni kechte béyjingda pichaq sélip öltürüldi.
Xewerde körsitilishiche, ism- familisi téxi éniqlanmighan bu kishi Uyghur élidiki emeldarlarning chirikliki, ediliye xadimlirining hoqoqidin qalaymiqan paydilinish qilmishliri qatarliq naheqchiliqlar üstidin merkezdiki her derijilik organlargha erz sunush üchün béyjinggha kelgen . Biraq u jüme küni kechte béyjing jenubiy tömür yol istansisining jiyéshin güllikidiki chöplükte namelum kishiler teripidin 10 nechche yérige pichaq sélip öltürülgen. Muxbirimiz béyjing saqchi da'irilirige télifon qilghinida, ular bu dilo heqqide melumat bérishtin özini qachurdi. (Arzu)