Teywen axbaratchiliri Uyghur élini ziyaret qildi
2006.07.27
Teywen axbaratchiliri jem'iyiti ziyaret ömiki yéqinda ürümchide ziyarette bolup, Uyghur diyaridiki axbaratchilar bilen söhbet ötküzgen.
Xitay xewer agéntliqining 27 - iyul küni bu heqte bergen xewirige qarighanda, teywen axbaratchiliri Uyghur diyaridiki axbaratchilar bilen, axbarat otturisidiki riqabetke taqabil turush, élan tijariti we axbarat wastiliridin halqighan tijaret dégen'ge oxshash témilar üstidila pikirleshkenliki melum boldi.
Bu munasiwet bilen , teywen axbaratchiliqi we xitay axbaratchiliqi arisidiki perqning chongluqini we ularning bir - birige oxshimaydighan ikki xil uslubta élip bérilidighanliqini tekitligen dunya Uyghur qurultiyining bayanatchisi dilshat réshit" :teywen axbarati chinliqni eks ettüridighan axbarat, teywende kishiler erkin sözleydu, shunga kishiler teywen prézidéntinimu tenqid qilalaydu" dédi.
Dilshat réshit sözide yene, Uyghur diyaridiki axbaratchilarning eslide , teywen axbaratchiliridin , axbarat wastisidiki eng muhim we eng aldinqi shertlerdin biri hésablan'ghan chinliq we erkin uchur tarqitish usullirini öginishi kéreklikini tekitlidi.
Xitay hökümitining axbaratqa bolghan kontrolluqi, xelq'ara jama'et we kishilik hoquq teshkilatliri teripidin izchil eyiblinip kelmekte. Téxi yéqindila xitay saqchilirini eyiblep maqale élan qilghan muxbir shyaw goping saqchilar teripidin urup öltürülgen idi. (Eqide)
Munasiwetlik maqalilar
- Ismayil tiliwaldi ottura we gherbiy asiya döletliridin kelgen azsanliq millet muhajirlirini kütiwaldi
- Norwigiye kishilik hoquq ömiki Uyghur aptonom rayonini ziyaret qildi
- Amérika dölet mejlisining bir ziyaret ömiki Uyghur aptonom rayonida tekshürüsh élip barmaqchi
- Xelq'ara chégrisiz muxbirlar teshkilati xitayning küresh hüseyin'ge qamaq jazasi bergenlikini eyiblidi
- U a r hökümetning wekiller ömiki qazaqistanni ziyaret qildi