Uyghur élide talantliqlar baziri pa'aliyet bashlidi

Xitayning shinxu'a agéntliqining uchuridin qarighanda, 18-féwral küni 2006-yilliq, talant igilirini ishqa teklip qilish pa'aliyiti shinjang talantliqlar bazirida ötküzülgen bolup, ademge éhtiyaji bar 200 nechche organ 4000 nechche xizmet ornini élan qilghan bolsimu, emma özini melum qilghuchilarning sani bek köp bolup ketken. Xewerde körsitilishiche, hetta köpligen xizmet izdigüchilerning qollirida béliti bolsimu, lékin ademning jiqliqidin bazargha kirishke mumkin bolmay qalghan iken. Xewerde körsitilishiche, aptonom rayonluq talantliqlar baziri 2006-yilliq aliy we ottura téxnikomlarni püttürgenlerni xizmetke chaqirish pa'aliyitini 2-ayning 22-küni ötküzmekchi iken.

Uyghurlarning inkaslirigha qarighanda, talantliqlar bazirining yolgha qoyulghanliqigha xéli waqit bolup qalghan bolsimu, emma köpinche xizmetke qobul qilidighan orunlar ashkara halda xitaylarni qobul qilish, " milliylar"ni jümlidin Uyghurlarni shuningdek xitay tili sewiyisi alahide yaxshi bolmighanlarni qobul qilmasliq prinsipi qollinip kelgenliki üchün , bu xitaylargha xizmet qilidighan bazargha aylinip qalghan, ishsiz Uyghurlarning bolupmu, aliy-ottura téxnikomlarni püttürgen Uyghur yashlirining sani yildin -yilgha köpiyishke qarap yüzlinip, ijtima'iy naraziliqlarni keltürüp chiqarmaqta. (Ümidwar)