Хитай нефит - химийә ширкити ( sinopic) тарим- шаңхәй тәбии газ қурулушидин чекинип чиқти


2004.08.27
Share on WhatsApp
Share on WhatsApp

Хитай нефит - химийә ширкити, хитайдики әң чоң истиратигийәлик қурулушларниң бири болған 18 милйон долларлиқ тарим - шаңхәй тәбии газ қурулушиға шерик болуштин ваз кәчти. Хитай нефит ширкитиниң баш мудири чен геңниң "җәнубей хитай әтигәнлик почта гезити" гә билдүрүшичә, дөләт игиликидики хитай нефит ширкити йеқинда бирқанчә чәтәл нефит ширкети билән тарим - шаңхәй тәбии газ қурулушиға мәбләғ селиш мәсилисидә келишим һасил қилалммиғандин кейин, хитай нефит - химийә ширкитиму мәзкур қурулушдин чекинип чиққанлиқини ухтурған.

Бирақ чен гең, хитай нефит ширкитиниң хитай нефит- химийә шеркити тарим ойманлиқидин тапқан тәбии газни тошуп беришкә мақул болғанлиқини билдүрди. Хитай нефит - химийә ширкити тарим-шаңхәй тәбии газ қурулушиниң 5 % лик пай чекигә һәссидар иди. Бу айниң башлири америка - голландийә һәмкарлиқидики роял дач - шелл ширкәтләр гурупписи билән ексан - мобил вә росийәниң газпрем ширкити , дөләт игиликидики хитай нефит ширкити билән келишим һасил қилалмиғандин кейин, мәзкур қурулушқа мәбләғ селиш нийитидин ваз кәчкән.

Чәтәллик анализчилар, кишилик һоқуқ органлири, чәтәлдики уйғур тәшкилатлири вә хәлқара муһит қоғдаш органлириниң қаттиқ тәнқитигә учриған тарим - шаңхәй тәбии газ қурулушиниң ихтисади үнүмигә гуман билән қарайдиғанлиқини әскәртип кәлмәктә. Бирақ, хитай нефит ширкитиниң баш мудири, чәтәл ширкәтлириниң мәбләғ селиштин ваз кечишигә қурулушниң ихтисади үнүми сәвәп болғанлиқини рәт қилған . Дөләт игиликидики хитай нефит ширкити , мәбләғ салғучилар чекинип чиққан тәқдирдиму қурулушниң өзлири тәрипидин давамлаштурулидиғанлиқини билдүрди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.