Xitay néfit - ximiye shirkiti ( sinopic) tarim- shangxey tebi'i gaz qurulushidin chékinip chiqti


2004-08-27
Share

Xitay néfit - ximiye shirkiti, xitaydiki eng chong istiratigiyelik qurulushlarning biri bolghan 18 milyon dollarliq tarim - shangxey tebi'i gaz qurulushigha shérik bolushtin waz kechti. Xitay néfit shirkitining bash mudiri chén géngning "jenubéy xitay etigenlik pochta géziti" ge bildürüshiche, dölet igilikidiki xitay néfit shirkiti yéqinda birqanche chet'el néfit shirkéti bilen tarim - shangxey tebi'i gaz qurulushigha meblegh sélish mesiliside kélishim hasil qilalmmighandin kéyin, xitay néfit - ximiye shirkitimu mezkur qurulushdin chékinip chiqqanliqini uxturghan.

Biraq chén géng, xitay néfit shirkitining xitay néfit- ximiye shérkiti tarim oymanliqidin tapqan tebi'i gazni toshup bérishke maqul bolghanliqini bildürdi. Xitay néfit - ximiye shirkiti tarim-shangxey tebi'i gaz qurulushining 5 % lik pay chékige hessidar idi. Bu ayning bashliri amérika - gollandiye hemkarliqidiki royal dach - shéll shirketler guruppisi bilen éksan - mobil we rosiyening gazprém shirkiti , dölet igilikidiki xitay néfit shirkiti bilen kélishim hasil qilalmighandin kéyin, mezkur qurulushqa meblegh sélish niyitidin waz kechken.

Chet'ellik analizchilar, kishilik hoquq organliri, cheteldiki Uyghur teshkilatliri we xelqara muhit qoghdash organlirining qattiq tenqitige uchrighan tarim - shangxey tebi'i gaz qurulushining ixtisadi ünümige guman bilen qaraydighanliqini eskertip kelmekte. Biraq, xitay néfit shirkitining bash mudiri, chet'el shirketlirining meblegh sélishtin waz kéchishige qurulushning ixtisadi ünümi sewep bolghanliqini ret qilghan . Dölet igilikidiki xitay néfit shirkiti , meblegh salghuchilar chékinip chiqqan teqdirdimu qurulushning özliri teripidin dawamlashturulidighanliqini bildürdi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet