تارىم دەرياسىنىڭ سۈيى خىتاينىڭ بىڭتۇەن ئېتىزلىقلىرىغا ئىشلىتىلمەكتە


2005-02-23
Share

ئۇيغۇر ئېلىنىڭ تومۇرى ھېسابلىنىدىغان تارىم دەرياسىنىڭ سۈيى، خىتاينىڭ بۇ يەردىكى ئىشلەپچىقىرىش قۇرۇلۇش ئارمىيىسىنىڭ ئېتىزلىقلىرىغا ئىشلىتىلمەكتە.

خىتاي كومپارتىيىسىنىڭ زۇۋانى ھېسابلىنىدىغان شىنخۇا ئاگېنتلىقى، گەرچە تارىم دەرياسىنىڭ سۇ مىقدارى 2004 - يىلى ئالدىنقى يىلدىكىدىن 3 مىليارد كۇپ مېتىر ئازايغان بولسىمۇ، ئەمما بۇ يەردىكى ئىشلەپچىقىرىش قۇرۇلۇش ئارمىيىسىنىڭ دېھقانچىلىق ئىككىنچى دېۋىزىيىسى، تېرىلغۇ يەرلىرىگە تارىم دەرياسىدىن 14 مىليون كۇپ مېتىر سۇ يۆتكەپ، سۇغۇرۇش ئىشلىرىنى كاپالەتكە ئىگە قىلغانلىقىنى خەۋەر قىلغان.

تارىم دەرياسى خىتاي بويىچە ئەڭ چوڭ ئىچكى قۇرۇقلۇق دەرياسى ھېسابلىنىدىغان بولۇپ، ئۇزۇن يىللاردىن بۇيان دەريا ئېقىنلىرىدا ئېلىپ بېرىلغان قالايمىقان بوز يەر ئېچىش پائالىيەتلىرى شۇنداقلا خىتاينىڭ تارىم دەرياسىنىڭ يۇقىرى قىسمىدا سۇ ئامبارلىرىنى قۇرۇشى، تۆۋەن ئېقىنغا سۇ يېتىشمەسلىك ئەھۋالىنى كەلتۈرۈپ چىقارغان ئىدى. ھەتتا خىتاي ھۆكۈمىتى مۇشۇ سەۋەپتىن تارىم دەرياسىنىڭ تۆۋەن ئېقىنى ۋادىسىدا ياشايدىغان يەرلىك خەلقلەرنى باشقا جايلارغا كۆچۈشكە مەجبۇرلىغان.

ئەمما بۇ يەردىكى سۇغا جىددىي ئېھتىياجلىق بولىۋاتقان يەرلىك خەلقلەر، ئىشلەپچىقىرىش قۇرۇلۇش ئارمىيىسىنىڭ تارىم دەرياسىنىڭ سۈيىنى ئېتىزلىقلىرىغا خالىغانچە ئىشلىتىۋاتقانلىقىنى ئىلگىرى سۈرمەكتە.(پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت