Тарим дәрясиниң сүйи хитайниң биңтуән етизлиқлириға ишлитилмәктә


2005.02.23
Share on WhatsApp
Share on WhatsApp

Уйғур елиниң томури һесаблинидиған тарим дәрясиниң сүйи, хитайниң бу йәрдики ишләпчиқириш қурулуш армийисиниң етизлиқлириға ишлитилмәктә.

Хитай компартийисиниң зувани һесаблинидиған шинхуа агентлиқи, гәрчә тарим дәрясиниң су миқдари 2004 - йили алдинқи йилдикидин 3 милярд куп метир азайған болсиму, әмма бу йәрдики ишләпчиқириш қурулуш армийисиниң деһқанчилиқ иккинчи девизийиси, терилғу йәрлиригә тарим дәрясидин 14 милйон куп метир су йөткәп, суғуруш ишлирини капаләткә игә қилғанлиқини хәвәр қилған.

Тарим дәряси хитай бойичә әң чоң ички қуруқлуқ дәряси һесаблинидиған болуп, узун йиллардин буян дәря еқинлирида елип берилған қалаймиқан боз йәр ечиш паалийәтлири шундақла хитайниң тарим дәрясиниң юқири қисмида су амбарлирини қуруши, төвән еқинға су йетишмәслик әһвалини кәлтүрүп чиқарған иди. Һәтта хитай һөкүмити мушу сәвәптин тарим дәрясиниң төвән еқини вадисида яшайдиған йәрлик хәлқләрни башқа җайларға көчүшкә мәҗбурлиған.

Әмма бу йәрдики суға җиддий еһтияҗлиқ боливатқан йәрлик хәлқләр, ишләпчиқириш қурулуш армийисиниң тарим дәрясиниң сүйини етизлиқлириға халиғанчә ишлитиватқанлиқини илгири сүрмәктә.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.