Tarim deryasining süyi xitayning bingtu'en étizliqlirigha ishlitilmekte


2005.02.23

Uyghur élining tomuri hésablinidighan tarim deryasining süyi, xitayning bu yerdiki ishlepchiqirish qurulush armiyisining étizliqlirigha ishlitilmekte.

Xitay kompartiyisining zuwani hésablinidighan shinxu'a agéntliqi, gerche tarim deryasining su miqdari 2004 - yili aldinqi yildikidin 3 milyard kup métir azayghan bolsimu, emma bu yerdiki ishlepchiqirish qurulush armiyisining déhqanchiliq ikkinchi déwiziyisi, térilghu yerlirige tarim deryasidin 14 milyon kup métir su yötkep, sughurush ishlirini kapaletke ige qilghanliqini xewer qilghan.

Tarim deryasi xitay boyiche eng chong ichki quruqluq deryasi hésablinidighan bolup, uzun yillardin buyan derya éqinlirida élip bérilghan qalaymiqan boz yer échish pa'aliyetliri shundaqla xitayning tarim deryasining yuqiri qismida su ambarlirini qurushi, töwen éqin'gha su yétishmeslik ehwalini keltürüp chiqarghan idi. Hetta xitay hökümiti mushu seweptin tarim deryasining töwen éqini wadisida yashaydighan yerlik xelqlerni bashqa jaylargha köchüshke mejburlighan.

Emma bu yerdiki sugha jiddiy éhtiyajliq boliwatqan yerlik xelqler, ishlepchiqirish qurulush armiyisining tarim deryasining süyini étizliqlirigha xalighanche ishlitiwatqanliqini ilgiri sürmekte.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.