Alar - xoten teklimakan tash yolida qatnash heqqi élish tüzümi yolgha qoyulidu

Uyghur aptonom rayonluq hökümet aqsu wilayiti tewesidiki xitay ishlepchiqirish qurulush armiyisi 1 - diwiziyisining merkizi shehiri hésablinidighan alar shehiridin xoten shehirigiche bolghan ariliqtiki 2 - teklimakan yolida 1 - séntebirdin bashlap, barliq aptomobillardin qatnash heqqi élish tüzümi yolgha qoyushni qarar qilghan.
Muxbirimiz ümidwar xewiri
2008.07.20

 424 Kilométirliq alar - xoten qumluq tash yoli ötken yili pütüp, qatnash bashlan'ghan bolup, nöwette bu teklimakanni késip ötidighan bügür xoten yolidin kéyinki ikkinchi yol hésablinidu. Inkaslardin qarighanda, xitay yol yasighuchiliri bu yolni kona derya izlirini asas qilip yasap chiqqan bolup, elmisaqtin tartip, xoten bilen aqsu arisida karwanlar mushu yol arqiliq mangghan iken.

Shinxu'aning ashkarilishiche, bu yol tengri taghlirining jenubi bilen shimalini tutashturush hemde bu jaylarning iqtisadini tereqqi qildurushta zor ehmiyetke ige bolup, qatnash heqqini 20 yilghiche élish békitilgen.

Alar - xoten yolini yasash üchün 800 milyon yüen etrapida meblegh sélin'ghan bolup, qatnash heqqi élish arqiliq bu chiqimlarni toldurush nishan qilin'ghan iken. Aldinqi yili alar sheher qilip békitilgen. Bu jay tarim deryasi wadisigha orunlishiwalghan xitay ishlepchiqirish qurulush armiyisining asasliq bazisi bolup, tarim ular tarim süyini boghush arqiliq teklimakanning nurghun jaylirini özleshtürüp, adem orunlashturmaqta.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.