Tarim oymanliqi chet'el néfit shirketlirige échiwétildi
2006.07.26
Xitay da'iriliri yéqinda tarim oymanliqidiki néfit qidirish ishlirini chet'el shirketlirige qarita échiwetken. Shundaq bolghanda chet'eldiki néfit shirketliri tarim oymanliqining 110 ming kwadirat kilométir da'iridiki jayida néfit qidirish ishlirini élip baralaydiken.
Xitay xewer agéntliqining melum qilishiche, xitay da'irilirining bundaq qilishidiki meqsiti, chet'elning ilghar téxnikiliri bilen Uyghur élidiki néfit bayliqini qézish ünümini yuqiri kötürüsh iken. Bu rayonda néfit qidirishqa qiziqqan chet'el shirketliri barliq néfit qidirish jeryanidiki chiqimlargha özliri mes'ul bolidiken. Nawada néfit tapalisa u chaghda paydini xitay bilen bölüshüp, xitay 51% paydigha, qalghan 49% paydigha néfitlikni tapqan shu chet'el shirkiti érishidiken.
Xewerde körsitilishiche, xitayning énérgiye bayliqi bixeterliki sahesidiki mutexessisliri bu charining xitay üchün paydiliq bolidighanliqini, Uyghur élide köp néfitlik bayqalsa, u chaghda xitayning chet'el néfitige tayinip qélishidin saqlan'ghili bolidighanliqini bildürgen.
Buninggha qarshi qarashta boluwatqan Uyghur közetküchiler, buning yerlik xelqlerge héchqandaq payda yetküzmeydighanliqini, Uyghur élining énérgiye bayliqlirigha yenila xitay hökümiti we xitaylar érishiwatqanliqini tekitlimekte. (Erkin)
Munasiwetlik maqalilar
- Shinjang renglik métal shirkiti 200 milyon dollarliq pay chékini bazargha salmaqchi
- Uyghur diyari chet'el we xitay sodigerlirini béyitidighan pursetke aylanmaqta
- Xitay, chet'el shirketlirining tarimda néfit - teb'iy gaz qidirishigha yol qoymaqchi
- Junggo tarim néfitlikini dachingning ornigha dessetmekchi
- Uyghur aptonom rayoni 150 tür boyiche sodiger chaqirish pilanini élan qildi