Xitay da'iriliri "shinjangning omumiy tarixi" ni yézishqa bashlidi


2005-02-02
Share

Tengritagh tor béti, 1 - yanwar küni ürümchide " shinjangning omumiy tarixi" ni yézish tehrir hey'etliri yighini échilghanliqini shuning bilen bille " shinjang tarixidiki eng zor kölemlik tarix yézish" xizmitining resmiy bashlan'ghanliqini xewer qildi.

Yighinda xitay merkiziy komitét siyasiy biyuru ezasi, Uyghur rayoni partkom sékritari wang léchüen : "shinjangning tarixiy mesilisi jiddi bir siyasiy mesile. Dölet ichi we sirtidiki bölgünchiler shinjang tarixini burmilap, uningdin shinjangni wetinimizdin ayrip chiqishning tarixiy asasi süpitide paydilinip keldi. Shunga men shinjangning ezeldin wetinimizning ayrilmas bir qismi ikenlikini delilleydighan bir kitapning bolushini ümid qilimen. Bu wetenning birlikini himaye qilish, bölgünchilikke qarshi turush siyasiy körishimizning ihtiyaji" digen.

Xitay kompartiyisining Uyghur ilidiki partkom teshwiqat bölümi 1990 - yili Uyghur tarixchisi turghun almasning "hunlarning qisqiche tarixi", " Uyghurlar", we " Uyghur kilassik edebiyat tarixi heqqide bayan" qatarliq üch kitabini ashkara tenqidlesh pa'aliyiti hemde tenqidlesh muhakime yighini ötküzüp, bu kitaplarning tarqilishini chekligendin kéyin, mexsus guruppa teshkillep " Uyghurlarning qisqiche tarixi", "shinjang tarixi" dégendek bir munche tarixiy kitaplarni yézishni uyushturghan idi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet