خىتاي دائىرىلىرى ئۇيغۇر ئېلىنى مىڭ يىلدىن بېرى باشقۇرۇپ كېلىۋاتىمىز، دىدى


2006-08-24
Share

خىتاي دائىرىلىرى ئۇيغۇر ئاپتونوم رايونىنىڭ تىكەس ناھىيىسىدىكى بوستان يېزىسىدا بايقالغان قەدىمى خارابىلىقنى خىتاينىڭ شىنجاڭنى مىڭ نەچچە يۈز يىل بۇرۇن تاڭ سۇلالىسى دەۋرىدە باشقۇرغانلىقىنى ماددى ئىسپاتى، دەپ جاكارلىدى.

ئۇيغۇر ئاپتونوم رايونى قەدىمى مىراسلار ۋە ئارخىئولوگىيە تەتقىقات ئىنستىتۇتىنىڭ مۇتەخەسسىسى لۇ ئانگو، شىنخۇئا ئاخبارات ئاگېنتلىقىغا تىكەس دەرياسىنىڭ شىمالىي قىرغىقىدىكى بوستان يېزىسىدا تېپىلغان قەدىمى قەلئەنى شياۋشاڭجۈن، دەپ ئاتىلىدىغان تاڭ سۇلالىسى قىسىملىرىغا ئائىت قورغان، دەپ تەكىتلىگەن.

ئۇيغۇر ئاپتونوم رايونىنىڭ تارىخىنى خىتاي تارىخچىلار بىلەن ئۇيغۇر تارىخچىلار ئوخشىمىغان نۇقتىدا تۇرۇپ چۈشەندۈرمەكتە ۋە بۇ بەزىدە خىتاي دائىرىلىرى تەرىپىدىن سىياسى مەسىلە سۈپىتىدە مۇئامىلە قىلىنماقتا.

8 - ئەسىرنىڭ ئوتتۇرلىرىدا ئىسلام قوشۇنى تاڭ سۇلالىسى قىسىملىرىنى تالاس دەريا بويىدا مەغلۇپ قىلىپ، خىتاي خانلىقلىرىنى مەنچىڭ سۇلالىسىغىچە ئۇيغۇر دىيارىغا دەسسىمەس قىلىۋەتتى، دەپ يازغان تارىخچى تۇرغۇن ئالماسنى مىللىي بۆلگۈنچىلىك بىلەن ئەيىبلىگەن.

بىز بوستان يېزىسىدىكى قەدىمكى قەلئە توغرىسىدا مەلۇمات ئېلىش ئۈچۈن ئۇيغۇر ئارخېئولوگ ئىدرىس ئابدۇرۇسۇلغا تېلېفون قولغان بولساقمۇ، لېكىن ئۇ سۇئالىرىمىزغا جاۋاپ بېرىشنى رەت قىلدى. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت